منتدى عائلة أبو شعبان
أهلاً وسهلاً بالزوار الكرام لمنتدى عائلة أبو شعبان
يمكنكم مشاركتنا فقط بعد التسجيل

سماقية العيد (على طريقة ام لؤي)

استعرض الموضوع السابق استعرض الموضوع التالي اذهب الى الأسفل

سماقية العيد (على طريقة ام لؤي)

مُساهمة من طرف ام لؤي في الجمعة مايو 14, 2010 3:26 am

السماقية اكلة غنية عن التعريف ومحبوبة جدا وهي خاصة بالغزازوة والاحظ انه ناس غير غزازوة صارو يحبوها ويعملوها كمان وطبعا هذا يرجع لانها كتير لذيذة وخاصة لو عملناها على اصولها .
المطلوب والطريقة :
نحمر بصلتين وسط مفرومين ناعم في قليل من زيت الذرة ثم نضيف عليهقطع راس عصفور من لحم العجل (من فتيلة العجل ) او ممكن استخدام لحم الخروف ونقلب الجميع ثم نضيف كمية حسب الرغبة من الحمص المنقوع وقليل من الماء يغمر اللحمة ونتركها حتى تلين اللحمة قليلا.


نضيف اربع الى خمس حزم من السلق المفروم ناعم ومغسول جيدا نضيفه الى اللحمة ونحرك الخليط ونغمره بالماء(وكل ما كان تحابيش السماقية اكثر كل ما كانت ازبط وازبط ).


ثم مباشرة نضيف السر في طعامة السماقية ولذاذتها وهو مقدار ملعقتين كبيرة من الجرادة المصحونة وحوالي راس من الثوم المقشر والمفروم ناعم وحوالي قرن من الفلفل الاحمر (ممكن زيادة كمية الفلفل طبعا حسب الرغبة )وهذا الخليط يضاف الى قدر الطبخ ونغطيه ونترك السلق حتى يستوي مزبوط وما ننسى الملح .

في وعاء صغير نضيف السماق الحب وقليل من الماء ونتركه يغلي غلوتين فقط ثم نتركه ليبرد وبعد ان يبرد نصفي الخليط ونستخلص كل ماء السماق لانه مهم في اعطاء حموضة للسماقية .
نحل مع ماء السماق شوية دقيق ليعطي السماقية الثخانة المطلوبة .
نيجي للتطبيق ولاعطاء السماقية الفنشينغ النهائي وهذه الخطوة المهمة وهي نصفي ماء السماق الي اذبنا فيه كمية الدقيق فوق قدر السماقية ونحرك ولو احتجنا ه كله نضيفة ولو اكتفينا بالثخانه والحمض ما رح نضيفه كله ونستمر في التحريك .

وطبعا النار تكون هادية والتحريك مستمر .
وهذا وقت التذوق وهي صحن خاص لكي اتذوق انا والي موجودين معاي (وعلى راي الله يرحم ستي مية دوقة ولا بوقة )

طبعا نضبط الملح والحمض والثخانة وهذه الثلاث اساسيات لو زبطت رح تكون سماقية غير شكل يعني هنا السر .
رح انلاحظ فقاعات بتخرج من القدر وهذا معناته انه السماقية بتقول خلاص ارحموني بنروح نضيف قليل من الطحينة مقدار ملعقة غرف (وطبعا لو كانت طحينة حمراء بيكون افضل )ونحرك .(ما بنكتر اضافة طحينة لانها رح تخرب علينا الطعم الطيب )
وقبل مانطفيء النار نضيف القليل من زيت الزيتون ويكون نوعية جيدة ومش قديم لانه بياثر على الطعم (وهناك اناس مابيضيفو زيت الزيتون وهذه اعتقد حسب الرغبة )
نغرف السماقية في صحون ونحسب حساب الحبايب وطبعا اطيب شيء بالنسبة الي اني آكل من كعب القدر بحسه الذ شيء في السماقية .


تقدم الاكلة الرائعة هذه مع البصل الاخضر والزيتون والمخلالات وبحب اضيف الها زيت زيتون على الوجه وبالهناء والعافية يارب وكل عيد وجميعكم بالف خير .


ام لؤي
عضو مميز
عضو مميز

عدد الرسائل: 2472
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: سماقية العيد (على طريقة ام لؤي )

مُساهمة من طرف ام سامر في 22/9/2009, 2:14 pm
يسلمو ياست الكل ام لؤي...اكله طيبه كتير وزي ما تفضلتي خاصه باهل غزة حصريع عندهم تطبخ!!!
انا بعملها متلك بالزبط....بس زيت الزيتون اول مره اعرف انه يضاف للسماقيه!!!
بعرف اننا نضيفه للكشك والحماصيص...اكلنا قليل ما بنطبخ بزيت الزيتون...مع انه مفيد جدا بس خلص تعودنا على زيت الذره..عموما فكره جديده ويمكن تكون اطيب بزيت الزيتون...

كل عام وانتي واسرتك بخير وصحة وعافيه..


ام سامر
عضو مميز
عضو مميز

عدد الرسائل: 4039
الأسم الحقيقي:: لولو
تاريخ التسجيل: 17/08/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: سماقية العيد (على طريقة ام لؤي )

مُساهمة من طرف ام لؤي في 22/9/2009, 4:45 pm
اهلا بتواجدك العطر يا ام سامر ياست الكل .
وبالنسبة لاضافة زيت الزيتون الي في الآخر فنادرا ما يضيفها البعض ولكنها تزيد من الطعم الطيب للسماقية وجربيها وان شاء الله تعجبك .
وكل عيد وانت وعائلتك بخير وبصحة وعافية من الله .
مودتي لك .


ام لؤي
عضو مميز
عضو مميز

عدد الرسائل: 2472
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: سماقية العيد (على طريقة ام لؤي )

مُساهمة من طرف Eng.Ghadeer في 22/9/2009, 5:38 pm
يسلموووووووو ام لؤي على السماقية الشهية وانا بحبها كتييير وعملتها مع ماما اول يوم العيد...عملنا حوالي 20 صحن واجوا عنا اخواتي وعائلاتهم واكلنا كلنا وكانت طيبة كتيييييييييييير .....

طريقتك مشابهة لطريقتنا بس احنا ما بنحط زيت زيتون لما نغرفها بنحط على الوجه لما نيجي ناكل

وكمان لما تستوي اللحمة والحبش كلو موجود معها وقبل ما انضيف مية السماق والطحين والطحينة ونبدا بدنا نحرك...بننشل اللحمة وبنوزعها على الصحون بالتساوي وبعدين بنحط السماق والباقي وبنبدى نحرك...ولما تجمد وتكون انتهت خلص بنسكبها في الصحون فوق اللحمة اللي وزعناها ...بهادي الخطوة بنحافظ على قطعة اللحمة سليمة ونضمن ما تتهرس مع التحريك..وبنوزعها بالتساوي وما حد بينظلم بعدم وجود اللحمة....

وفعلا بنغرف من السماقية بصحن وبندوق انا وماما وبنشوف اذا بدها ملح او حمض .....وطبعا ازكى لما تكون معمولة قبل بوقت وتكون ماسكة حالها عشان نعرف نغمسها..لأنها مش زاكية سخنة

كل عام وانتم بألف خيييير

تحيتي ومحبتي الك

_________________


Eng.Ghadeer
عضو مميز
عضو مميز

عدد الرسائل: 3647
العمر: 26
الأسم الحقيقي:: غدير سمير حلمي أبو شعبان
تاريخ التسجيل: 10/04/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: سماقية العيد (على طريقة ام لؤي )

مُساهمة من طرف ام لؤي في 24/9/2009, 11:47 am
عوافي على قلبكم السماقية يانوارة .
انا استغربت طريقة سكب السماقية عندكم لانه اول مرة اعرف هيك طريقة وصحيح بني آدم بيعيش وبيضل يتعلم وبالفعل السماقية لما تبرد بتكون اطيب وانا بحبها كمان تاني يوم بتكون كمان لذيذة والحلو فيها انه اغلب اولادي بيحبوها يعني بطبخها وبعرف انها شيء مرغوب عندهم .
اهلا بمرورك العطر وكل عام وانتي بالف خير يانوارة .
مودتي لك .


ام لؤي
عضو مميز
عضو مميز

عدد الرسائل: 2472
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: سماقية العيد (على طريقة ام لؤي )

مُساهمة من طرف ام محمد ابو شعبان في 20/3/2010, 5:47 pm
الله الذ اكله عندى بس من تحت ديات الوالده انا تعلمتها من الوالده امى ام صالح بتحط ايضا زين زيتون ابتحكى بضيف نكه طيبه للسمقيه وبتستوى اللحمه بعملها متلك تمام اممممممممممممممممممم يومها بضل طول النهار اكل منها بمووت فيها انا بحبها محرحره تكون حامضه وحراقه
يارب يجى العيد علينا وعليكم وعلى الامه الاسلاميه واحنا بالف صحه وعافيه ويعم السلام على الكل ونصلى معا بالاقصى المبارك


ام محمد ابو شعبان
عضو مميز
عضو مميز

عدد الرسائل: 141
الأسم الحقيقي:: امل حسن صالح ابو شعبان
تاريخ التسجيل: 28/02/2010

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: سماقية العيد (على طريقة ام لؤي )

مُساهمة من طرف ام لؤي في 20/3/2010, 8:44 pm
مشكووووووووووورة يا أحلى أم محمد لمرورك وتعليقك الجميل بارك الله فيكي .
تقبلي تحيتي ومودتي .


ام لؤي
عضو مميز
عضو مميز

عدد الرسائل: 2472
الأسم الحقيقي:: هاله علي محمد حسن سليم ابو شعبان
تاريخ التسجيل: 14/12/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: سماقية العيد (على طريقة ام لؤي )

مُساهمة من طرف بنت غزة في 21/3/2010, 1:07 pm
بارك الله فيك يا ابنه العمه الغاليه انها اكله لذيذه جدا ونحن لا نضع زيت بداخلها لكن اللى بيحب ياكل معاها فى صحنه وصحتين للجميع


بنت غزة
عضو مميز
عضو مميز

عدد الرسائل: 179
العمر: 18
الأسم الحقيقي:: دعاء خضر صالح ابو شعبان
تاريخ التسجيل: 14/08/2009

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

*
*
*
*
*
*
*

رد: سماقية العيد (على طريقة ام لؤي )

مُساهمة من طرف ام لؤي في 21/3/2010, 5:35 pm
الله يبارك فيكي يا دعاء ياغالية
وبالنسبة للزيت ووجوده داخل السماقية هذا شيء حسب الرغبة ولكن الاحظ إنه بيعطيها طعامة زيادة وخاصة لو كان جديد ونوعية جيدة وهدا رأيي وفي النهاية السماقية اكلة ولا اروع منها ولازم نشكر كتيييييييييييييييراهلنا الغزازوة القدامى الي اخترعوها .
مشكووووووورة ياقمر لمرورك الذي يسعدني .
تقبلي تحيتي ومودتي .


ا
avatar
ام لؤي
عضو مجتهد
عضو مجتهد

انثى
عدد المساهمات : 536
تاريخ التسجيل : 11/05/2010
الموقع : في مكان ما على كوكب الارض

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى