منتدى عائلة أبو شعبان
أهلاً وسهلاً بالزوار الكرام لمنتدى عائلة أبو شعبان
يمكنكم مشاركتنا فقط بعد التسجيل

بلا بلا طبق اندونيسي (على طريقة ام لؤي)

استعرض الموضوع السابق استعرض الموضوع التالي اذهب الى الأسفل

بلا بلا طبق اندونيسي (على طريقة ام لؤي)

مُساهمة من طرف ام لؤي في الجمعة مايو 14, 2010 4:36 pm

بلا بلا طبق اندونيسي (على طريقة ام لؤي )

من طرف ام لؤي, في 29/04/2009 على الساعة 13:57




هذة اكلة من المطبخ الاندونيسي .
احببتها واعملها لابنائي لاني اجدها جدا مفيده وخصوصا لمن لا يحب الخضار منهم .
المطلوب
قدر نصف ملفوفة صفيرة مبشورة ومغسولة جيدا _جزرتين مغسولين ومبشورين _بصلة كبيرة مبشورة _حبة كوسا كبيرة مغسولة ومبشورة _حبة بطاطا مبشوره _سنين ثوم مبشورين _نصف حزمة بقدونس نضيفة ومقطعه قطع صغيره _وممكن اضافة حبات الذرة ان وجدت _مقدار من الدقيق قد يكون كوب الى كوب ونصف_ملح وفلفل اسود _بيضتين _وممكن اضافة نصف ملعقة من البيكنغ بودر وممكن عدم اضافته _زيت للقلي .
الطريقة
نخلط جميع المكونات مع بعضها عدا زيت القلي
ويجب ان يكون المقدار متماسك طبعا بالدقيق واذا احتجنا اضافة ماء قليل ممكن نضيف .
ثم تكور بالملعقة الى كور صغيره وتنزل في المقلى والزيت في المقلى لا يكون غزير بل متوسط ونحاول نفردها قليلا وهي في المقلى .
ثم بعد تحميرها تنشل الى ورق نشاف حتى يتصفى منها الزيت وتقدم .
وصحة وعافيه يارب .
نتائج البحث عن "بلا بلا طبق اندونيسي (على طريقة ام لؤي )"
13 ردود
الرد
1 أبو حلمي, في 29/04/2009 على الساعة 20:49
ما شاء الله على أكلاتك يا أم لؤي شكلها لذيذة انشاء الله بخلي غدير تجربها لنا شكراَ.
2 ام لؤي, في 29/04/2009 على الساعة 21:48
ان شاء الله تحوز على رضاك يا عمنا الحاج
وشكرا لمرورك الكريم .
تحياتي .
3 هند, في 29/04/2009 على الساعة 22:56
الله الله تسلم اديكي يا ام لؤي يا بركه والله زمان عن اكلاتك الحلوه الله لا يحرمنا منك ياغاليه
4 ام لؤي, في 29/04/2009 على الساعة 23:06
خلاص ولايهمك يا نود
باجي غزه وبفجر المعبر الي مش كاين ينفتح
وبعمل لك الي نفسك فيه من اكلاتي بس انتي اكتبي اليسته وعيوني الك يا مهجتي .
وشكرا لمرورك يا نواره .
تحياتي .
5 Eng.Ghadeer, في 30/04/2009 على الساعة 08:33
تسلم اديكي يا ام لؤي على هالأكلة الزاكية...احنا عجبتنا وبدنا نعملها اليوم على الغدا ان شاء الله...هي شبيهة بفكرة العجة...يعني احنا العجة بنعملها كالتالي: عبارة عن بطاطا مسلوقة ومفرومة ناعم وبقدونس وبصلة مقلبة على النار وفلفل أسمر وبهار وكمون وملح وبيض وبنخربطهم كلهم مع بعض وبالمعلقة بنقليهم في زيت على النار...و أحياناً بنحط كرنب مسلوق ومفروم ناعم بدل البطاطا...و يوجد نوع آخر من العجة اسمها امشاط الكرنب...بنجيب الكرنب بنقسمه شريحة رفيعة وبنسلقه بعدين بنقليه وبنعمل خليط العجة اللي سبق وحكيته وبنجيب مقلى نصف فيه امشاط الكرنب وبندير خليط العجة على كل قطعة كرنبة وبعد ما تتحمر بتطلع عنا قطعة كرنبة مغطية بخليط العجة وبتطلع زاكية كتيير.


صباحك فل يا ام لؤي.

تحياتي
6 ام لؤي, في 30/04/2009 على الساعة 10:38
صباح الورد والياسمين على نوارة الديوان غدير .
والعجة تبعتنا بعرفها والامشاط كمان .بس هذه ولا شيء فيها مسلوق وبحس بيكون الخضار طيب ومقرمش مع القلي ويارب تنال اعجابكم ومعها صحن سلطة بتطلع طيبه وممكن اذا بتحبي تتغمس بالخبز بيسير .
ولك التحية والود يا غدير .
7 Eng.Ghadeer, في 30/04/2009 على الساعة 13:07




يسلمو...يسلمو...والله طعمها طيب كتيييير فعلاً ومفيدة كتيير لأنو فيها كتيير خضرة..وهيني حطيت صورة اللي عملناها عشان
تكون خير دليل على انها زاكية وجربنا اكلاتك يا ام لؤي...فهي طيبة كتيير وخلي الكل يجربها.



تحياتي الك يا بركة
8 ام لؤي, في 30/04/2009 على الساعة 13:47
يارب منازل الهنا والعافيه يا غدير .
ويسلمو ايديكم على التطبيق .
وانا مبسوطة الي عجبتكم وعملتوها .
واي شي انا في الخدمة .
تحياتي ومودتي .
9 أبو حلمي, في 30/04/2009 على الساعة 13:57


طبق لذيذ جداَ جداَ جداَ ...... يسلموا ايديكي أم لؤي على الوصفة
وايدين غدير اللي نفذتها تمام
10 أبو محمد ( حازم ), في 30/04/2009 على الساعة 14:08
ما شاء الله ناس بتوصف وناس بتطبخ وأنا محلوقلي ما حد دوّقني , وين حصتي ؟
11 ام لؤي, في 30/04/2009 على الساعة 15:03
شكرا لمرورك يا عمنا الحاج
ومبسوطة الي عجبتكم هالاكلة . .
وفي جماعه هنا ما داقوه ياريت تعطو الوصفه لاختنا ام محمد وانا بعرف انها شاطره وخليها تعملها لاخوتنا الي ما داقو الاكلة .
وشكرا لغدير على المجهود .
تحياتي .
12 أبو محمد ( حازم ), في 30/04/2009 على الساعة 20:07
طيب أنا من ورا أكلاتك الزاكية يا إم لؤي شبكت نت 24 ساعه في البيت عشان نتابع كمان في البيت مش بس من المحل وإم محمد تاخد الوصفات الزاكية هي وسلفتها , ولعلمك اليوم مرت حلمي أخذت طريقة الدبلة الليبية وعملتها وبيقولولك تسلم إيديكي كتيـــــــــــــــــــــــــــــــــــــــــــــر لذيذة وطعمها مخلوط بيجمع بين العوامة وأقرب لأصبع زينب مع إنو أصبع زينب بالسميد ولكن لذيذة وسهلة التحضير
13 ام لؤي, في 01/05/2009 على الساعة 00:55
عال يا جماعه وبيطلع لي عندكم حقوق مادية جراء نقل طبخاتي .
وباخدها منكم بس انزل على غزة .
ماتصدقو والله بمزح ويارب عوافي ان شاء الله على الجميع .
تحياتي لكم جميعا
avatar
ام لؤي
عضو مجتهد
عضو مجتهد

انثى
عدد المساهمات : 536
تاريخ التسجيل : 11/05/2010
الموقع : في مكان ما على كوكب الارض

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى